Well nice introduction
Pagalpan se yaad aaya mulaheza kijiye,,,
Ajab Pagal Si Ladki Hai
Wo Mujhse Jab Bhi Milti Hai
Mujhe Her Baar Kaheti Hai
Teray Honay Se Meri Zaat Ki Takmeel Hoti Hai
Usay Maloom Bhi Hai Main To Khud Ek Aam Ladka Hoon
Magar Wo Mujh Se Kaheti Hai
Nahi Tum Sa Koi Dooja
Ajab Pagal Si Ladki Hai
Wo Mujhse Jab Bhi Milti Hai
Naya Ek Naam Deti Hai, Nayi Pahechan Deti Hai
Meray Andar Ke Sab Maosam Bina Meray Kahay Hi Wo Hamesha Jaan Leeti Hai
Meri Barson Puraani Baat Bhi Wo Yaad Rakhti Hai
Mujhay Har Baar Kaheti Hai
Teri Awaaz Ka Jadoo Mujhay Sonay Nahi Deta
Ajab Pagal Si Ladki Hai
Wo Mujhse Jab Bhi Milti Hai
To Pahron Mujhko Takti Hai
Usay Har Rang Jo Main Ne Ho Pahena Acha Lagta Hai
Usay Har Khwab Jo Main Ne Ho Dekha Sacha Lagta Hai
Ajab Pagal Si Ladki Hai
Wo Mujhse Jab Bhi Milti Hai
Mujay Har Baar kaheti Hai
Teri Muskaan Janam Zindagi Mein Rang Bharti hai
Mujhay Dukh Ke Andheron Mein Kabhi Khonay Nahi Deti
Usay Mujhko Mujhiko Sonchnay Ki Jaanay Kya Zid Hai
Ho Din Ka Koi Bhi Lamha, Andheri Raat Ka Pal Ho
Wo Mujhko Soncha Karti Hai, Mujhiko Yaad Karti Hai
Ajab Pagal Si Ladki Hai
Wo Mujhse Jab Bhi Milti Hai
Hazaron Baar Kaheti Hai
Mujhay Tumse Mohabbat Hi Nahi Hai Ishq Hai Janam
Bas Ek Pal Mein Wo Apna Aap Mujhko Sonp Deti Hai
Main Us Pagal Si Ladki Ke Liye Ab Aur Kya Likhon
Mujhay Usko Batana Hai
Ke Us Ki Muskurahat Par
Main Duniyan Waar Sakta Hoon
Bas Us Ki Ek Hi Aahat Par
Main Jiwan Haar Sakta Hoon
Mujhay Us Se Mohabbat Hai
Mujhay Bhi Ishq Hai Us Se
Ajab Pagal Si Ladki Hai
Ajab Pagal Sa Main Bhi Hoon…
N.M.
on eTI community..
