Aetbaar-e nigah kar bethay,QABIL AJMERI

Aetbaar-e nigah kar bethay,
Kitnay jalway tabah kar bethay,

Ap ka sang-e dar nahin chamka,
Hum jabeenen siyah kar bethay,

Maut par muskrany aae thay,
Zindagani tabah kar bethay,

Shama-e umeed k ujalay men,
Kitni raten siyah kar bethay,

Sirf uzar-e gunah ho na saka,
Warna saray gunah kar bethay,

Kis tawaqa pe ehl-e dil QABIL,
Zindgi se nibah ka bethay.

QABIL AJMERI