Deen ka naqeeb hq ka nigehba'n kb aae ga QABIL AJMERI

Deen ka naqeeb hq ka nigehba'n kb aae ga
Koi Khuda parst muslma'n kb aae ga.

Mitt jaen jis se ehd-e ghulami ki la'naten
Jany wo inqlab,wo tofa'n kb aae ga.

Mudat se tashna kaam ha hasti ka qaafla
Koi bataye chashma-e hewa'n kb aae ga.

Chhai hui ha kb se fizaon pe teergi
Kya jany aaftab-e darkhsha'n kb aae ga.

Gonjay gi kb azan-e BILALI se bazm-e dehar
Is but-kady main bnda-e YAZDA'N kb aae ga.

Jo dastan-e shoq ko rangi'n bna saky
Akhir wo ashk-e kho'n,sar-e mizga'n kb aae ga.

Sadyun se tk raha ha bashr jis ka rasta
Wo roz-e inqlaab-e badama'n kb aae ga.

Sookhi pari ha kb se gharibon ki kasht-e shoq
Rehmat badosh abr-e khirama'n kb aae ga.

Hr samt ma'rka-e karbla ha garm
Koi ghulam,Shah-e shahida'n kb aae ga.

Murda dilon main rooh-e aza-im jo phoonk de
Mehfil main aesa mard, rajz'khwa'n kb aae ga.

Insan kr raha ha KHUDA se bghawaten
FAROOQ(rz) e asr o faateh-e dora'n kb aae ga.

QABIL AJMERI