Sakoot-e shaam fasaana suna raha ha koi,QABIL AJMERI

Sakoot-e shaam fasaana suna raha ha koi,
Bhula raha hun mager yad aa raha ha koi,

Nayi nayi ha mohabat naya naya ha khaloos,
Sanbhl sanbhl k nigaahen mila raha ha koi,

Hazaar tarah k hotay hain dard k rishtay,
Tarrp raha ha koi muskra raha ha koi,

Kaheen umeed k sotay bhi khushk hoty hain,
Hajoom-e yaas main aansu baha raha ha koi,

Ye dil k zakhm nahin ye jigar k dagh nahin,
Rah-e hayat main shmmen jala raha ha koi,

Sitaary doob chaly shama bujh gayi lekin,
Dilon main soz-e tamna jagmaga raha ha koi.

QABIL AJMERI