HaaN sonia jii yaad yaad ayaa....ye Tehreer mmash_hoor shayar Amjad Islam Amjad ki hai....inhe hamne bahoot suna hai....achhii kavish haiN inki sabhi...badii muddat baad ye kaviish saamne aayii hai.....
Inhii shayar kii ek our Ghazal thii jo bahoot mash_hoor hui thii...."kisii kii aa.Nkh jo pur_nam nahii.n hai "...kya khoob thii ye bhi....
kisii kii aa.Nkh jo pur_nam nahii.n hai
na samajho ye ke us ko Gam nahii.n hai
savaad-e-dard me.n tanhaa kha.Daa huu.N
palaT jaa_uu.N magar mausam nahii.n hai
Ye sher bahoot hi badiyaa the unki Ghazal ke.....
Shukriya^h Umair khaan jii unkii kavish ko yaaad kerane ke liye....
Harash
sahi kaha harash jee Ahmed Islam Ahmed jee ka ek aur kalam jo hame behat pasandila hai. "Tumhe Mujhse Mohabbat Hai"
Yahan Mai Unka ek Gazal Share Karti hu Hope Harash jee
aapko pasand aayega.
Mohabbat ki tabiyyat mein
Ye kaisa bachpana kudrat ne rakha hai
Ke ye jitni purani jitni bhi mazboot ho jaye
Ise taeed-e-taaza ki zarorat phir bhi rehti hai
Yaqeen ki aakhri hadon tak dilon mein lehlahati ho
Nigahon se tapakti ho,lahu mein jagmagati ho
Hazaron tarah ke dilkash, haseen haale banati ho
Ise izhaar ke lafzon ki hajat phir bhi rehti hai
Mohabbat maangti hai yun gawahi apne hone ki
Ke jaise,tafl sada shaam ko ik beej boye
Aur shab mein baarha uthe
Zameen ko khod kar dekhe ke poda ab kahan tak hai
Mohabbat ki tabiyyat mein ajab takrar ki khu hai
Ke ye iqrar ke lafzon ko sun’ne se nahi thakti
Bicharne ki ghari ho ya koi milne ki sa’at ho
Ise bus aik hi dhun hai
Kaho, mujhse mohabbat hai
Tumhein, mujh se mohabbat hai
Kaho, mujhse mohabbat hai
amjad islam amjad