Meditation 2: waasna wa wikaargrast hoke sirf hamara ahankaar badhta hai

Jitni jaldi hum nirahankaar ko praapt hote hain dhyaan me pravesh karte hain.Dhyaan ke baare me ek badi mool baat samajh leni chahiye ki ye koi awastha nahi hai apitu manushya ka swabhaav hai athaart swaroop hai. Dhyaan koi kriya nahi ki kuch jatan kar lia aur vichaarshunya ho gaye athaart ye prayatn se nahi hoga. Baat yehi hai ki humne hamesha yahi jaana ki pratyek cheez k lie prushaarth athart shram karna hoga parantu ye saansar ke manak hain aadhyaatmik jagat me bilkul ulta karna hoga yaani kuch bhi prayatn na ho tab hum dhyaan ko praapt hote hain. Dhyaan manushya ka swabhaav hai aur swabhaav sadaiv nirvikaar hai. Isiliye ye paaya gaya ki ausatan bachhon ko dhyaan jaldi ghatit hota aur badon ko der me. Vajah sirf yahi ki bachhon me chalaaki nahi apitu masoomiyat hoti hai we abhi apne mool swabhaav se zyada door nahi unme ahankaar nahi isliye dhyaan asaani se ho jayega. Parantu jaise jaise hum bade hone lagte hain hume class me pratham aane ke lie kaha jaata ki kaise bhi ho 1st aao. Is tarah se hum sabhi ke awchetan man me ahankaar ka beej dalta hai. Bade hote hote hum chalaaki,chaalbazi,dhokebazi ko bahut mahatv dene lagte hain. Hum ahankaar ki daud me sivay ahankaar ke kuch nahi paate parantu apna mool swabhaav hi kho baithte hain. Hume nirahankaar ki baat hi bemaani lagne lagti hai aur dhyaan asambhav. Parantu jaise 2 hum saral wa sahaj hone lagte hain ahankaar khone lagta hai aur hum dhyaan ko praapt hote hain.

Nyc Thought.